In Ollscoil na Gaillimhe ba mhaith linn tacaíocht a thabhairt do Dhaltaí na hArdteistiméireachta agus dá Múinteoirí Gairmthreorach bealach ar bith is féidir linn. Tugann ár bhFoireann Idirchaidrimh le Scoileanna tús áite do dhaltaí na hArdteistiméireachta sa chéad seimeastar agus tá an fhoireann ar fáil chun cainteanna ar an láthair agus cainteanna fíorúla a thabhairt. Ina theannta sin, is féidir linn cainteanna dírithe ar choláiste ar leith a thairiscint do dhaltaí na hArdteistiméireachta sna réimsí seo a leanas – Gnó, Dlí, Eolaíocht, Innealtóireacht agus na Dána. Is bealach iontach iad ár Laethanta Oscailte chun cabhrú le daltaí an t-eolas a theastaíonn uathu a fháil chun na cinntí cearta a dhéanamh maidir lena n-aistear oideachais agus gairme. Tá roinnt acmhainní físe agus podchraoltaí againn freisin a d’fhéadfadh a bheith tábhachtach do na daltaí seo.

Tá ár bhFoireann Idirchaidrimh le Scoileanna ar fáil chun cainteanna a thabhairt do ranganna réamh-Ardteistiméireachta.  Tosaíonn na cainteanna seo de ghnáth i mí Eanáir gach bliain. Molaimid do dhaltaí réamh-Ardteistiméireachta freisin freastal ar ár Laethanta Oscailte agus úsáid a bhaint as na hacmhainní faisnéise ar ár láithreán gréasáin lena n-áirítear cainteanna faoi chúrsaí agus coláistí chomh maith lenár Sraith Podchraoltaí Students Voice. Is ann don eolas seo chun cabhrú le daltaí agus iad ag fiosrú faoi roghanna gairme agus breisoideachais.